ටවුන් එකෙ හිර උන ගැමි හිත
ගස් වැල් අතර වෙල් එලි වල දුව.............පැනපු
පොල් පිති හරක් ඉපනැලි වල හිද............තනපු
වැව් දිය කර වටක් ගිල දිය බුන්................ගසපු
ඒ වන ලන්ද කෝ පෙර මා සුව..................විදපු
පාසල් ගොසින් එන්නෙ හති..............දමාගෙන
කොල්ලන් කුරුට්ටන් රෑනෙ වැටි.............ගෙන
මාදන් හිබුටු එක ගොන්නෙ කඩා............ගෙන
කාලය සුන්දරයි පෙර අප....................සිනාසුන
හොදටම ගෙවුනු කොට පැන්සල් හා......මකන
තැන තැන ඉරුනු සරමත් හැම දා.............අදින
ගමේ ගුරු ගෙදර මට ශිල්පය................දුන්න
සුන්දර මතකයෙකි සිත පතුලේ...............ඇදුන
ගමේ සුවද හැර නගරෙට එන්න...............උනා
දීගය නිසා මම නගරෙට සින්න................උනා
රැකියාවත් නගරෙ කොනකින් ............ලැබුනා
ගම්මානේ අනේ මගෙන් දුරස්.................උනා
යන්නට හිතයි ගම්මානෙට යලිත්..................වරක්
නෑමට හිතයි වැව් ජලයේ ගිලී.....................කරක්
දුටු විට ගොඩ ගැසුනු වැඩ පල නොවී..........නිමක්
යන්නෙ කවදා කවදා දෝ අයේ...................දිනක්
සටහන
වාසනාවන්ත කාලකන්නියා
No comments:
Post a Comment